40 urte ta aldapan bera niek!

40 urte ta aldapan bera niek! 2018-09-05T14:07:15+00:00

Project Description

Bizitzan ez dakizu nola, baina denbora aurrera pasatzen doa, eta nahi ala ez, baina 40 urteak hor zeuden eta iritsi dira.

Zuk orain arte bezala, bizitzen jarraitu nahi duzu baina gezur potolo bat dela konturatzen hasten zara, 40 urteak betetzen dituzun lehen egunetik aldatzen hasten zarelako. Fase berri batean sartu zara, 40 URTE MADARIKATUAK!

Hemendik aurrera iada ez duzu goraka egingo HUNTZAren abesti famatuaren lehen esaldia bezala, baizik ALDAPAN BERA! HUNTZAren bigarren esaldia bezala egingo duzu, poliki poliki behera, zahartzen.

Ilea erori, belarrietan hazi, gorputz guztian mina, telebistari hitzegin, guztiarekin haserretu, Heineken tripa hori kendu, lagunekin beste era batera gelditu… Hauek dira 40 urte betetzearen ondorioak.

Bakarrizketan zehar ere , galdera hauei eerantzungo diogu:

-Noiz konturatzen zara 40 urte dituzula, eta ez ikusiarena egiten duzu.

-Nola egiten diozu aurre?

-Nola aldatzen den zure burua 40 urtekin, nahi ala ez?

-Gazte izaten jarraitzeko egiten ditugun gauz kutreak?

-Orain arte egin ez dituzun gazuak egiten dituzu, kirola egin.

– 40 urterekin urtemuga festa berezia izaten duzu.

-20 urterekin eta 40 urterekin egiten dituzun parranda ezberdinak

40 urte ospatzen dituzunean, zure bizitzan sortzen diren aldaketa guztiak era umoretsuan eta gertukoan kontatzen ditut, euskaldun ikusleak oso gertuko sentituz.

Ta, ikuskizuna bukatzeko, TXISTE TRAKA FINALA egongo da, txiste on, txar , motz, eta luzeekin.

Cookie-ak erabiltzen ditugu, baina datu pertsonalak ez ditugu gordetzen [informazio gehiago] ACEPTAR

Aviso de cookies