• “Raggamuffin Kamarada” Suaia eta Ama Rebel taldearen lehenengo lana da. Sei abesti eta lau dub ditu. Suaia eta Ama Rebel taldeak reggaeren sustraietara jo du Gorka Suaiak konposatutako kantak grabaketa batean islatzeko. Horretarako A-Lone Ark Muzik Studioko Roberto Sanchez ekoizlearen ezinbesteko parte hartzea izan du. Reggae klasikoen antzera, ederto uztartu dira Suaiaren kanten mezu zuzenak eta politikoki konprometituak, A-Lone Arken ekoizpenetan ohiko den roots estilo dotore eta melodikoarekin.
  • Diskan zehar tristura edo iluntasunetik, alaitasunerainoko bidaia dela esan daiteke. Diskan zehar, kontzientzia hartzearen puntua erakutsi nahi da. Diskoaren oinarria, gizartean ematen den dualitatea dugu, amodio vs gorrotoa, gizon vs emakumea, jainkoa vs deabrua, gizakia vs natura… horrekin haustea da diskoan eman nahi den mezua. Guzti hau gaur egun bizi dugun errepresio eta politika bortitzen testuinguruan kokatuz eta gizakiaren argitasun eta iluntasunak erakutsiz.
  • Proiektuan fikziozko bi pertsonaia horiek, laurogeita hamarreko hamarkadan Estatu Batuetan jorratu ziren soinuaren eta tematiken bila ibili dira. Abestietan jarrera lehiakorra, delinkuentziaren apología eta diruaren goraipamena egin dute eta Ipar Ameriketako HipHoparen klasikoei ere gorazarre egin diete hainbat erreferentzien bidez. Hori guztia euskal kultura eta bizimoduarekin nahastu dute G-FOLKa sortzeko prest, Californian sortutako G-FUNK (Gansgta funk) soinuaren omenez. Euren lehen lana ¨JAUNGOIKOA, DIRUA ETA ERRITMO ZAHARRA¨, arestian aipatutakoaren aldarrikapena diren zazpi abestiz osaturik dago. Erritmo gogor eta hitz gordinekin batera aurki ditzakegu kaleko bizimodua, drogen inguruan sortzen diren harremanak eta erraparen barruan tradizionalak diren “ego trip”a eta lehiakortasuna.
  • Gorputz barrura sartzen zaizkizun gitarra riff-ak, bateria kolpe zuzenak, amorruz astinduriko baxu kordak eta ahots indartsu zein berezkoak biltzen ditu. Kantu sendoak uzten dizkigu “IXA” disko honek, musikalki amankomunekoak baina desberdinak haien artean. Abesti baten baitan ere, estilo musikal ezberdinen nahasketa topa ditzakegu diskoa entzuterakoan. Zuzenekoetan izerdia lehen minututik botatzen duen talde horietakoa da Solte, eta gogo, indar zein ilusio hori da estudiora eraman dutena.
  • Ermiñi Izaren "Euskaldun bat Ipar Korean" liburua.
  • Lobo {otsoa} hainbat olerkien bilduma da. Olerki hauek atalka antolatutak daude. Lehenengo atala “Otso bakartia eta bere kumea” Kazuo Koike eta Goseki Kojima mangakak egindako lanean inspiratuta dago. Bigarrena, “El otro es nosotros” antzerki obrarako espreski egindako testuak biltzen ditu. Elkartasun helburuarekin egindako antzerki obra hau Ramun Bareak zuzendu zuen eta musikaren atala Nahiel Ibarrolak eta Endika berak osatu zuten. Hirugarren atalak, José Garran margolariak Bilbon egindako erakusketarako egindako olerkiak jasotzen ditu. Materia, guda, egitea, desegitea,… Azken atala, laugarrena, idazlearentzak azken urteotan garrantzitsuak izan diren olerkien bilduma. Jaiotzak, agurrak, dudak, biziraupena,…
  • Ruben Rivero da “Insurrecto” liburuaren idazlea, Frantzian espetxeraturik dagoen euskal preso politikoa, Itziar Moreno, azalaren sortzailea bezala. Biak Euskal Preso Politikoen Kolektiboaren parte dira. Oraindik ere, ehundaka dira giltzaperatutako euskal borrokalariak, milaka kilometroetara sakabanatuak daudenak, beraien familia eta gertukoengandik urrun. Espetxe politika honek 16 hildako eta milaka istripu eragin ditu euskal preso politikoen familia eta gertukoen artean, eta baita ere espetxe barrutik bizirik atera ez diren preso politikoen heriotza. Liburu honek espetxean egotearen ohizko trabekin topatu bada ere, elkarlana eta maitasunaren bidez gaindituak izan dira, beste etorkizun bat eraikitzeko ezinbestekoak diren bi osagai. Eskerrik asko modu baten edo bestean lagundu duzuen guztiei, badakizue zeintzuk zareten.
  • Ziztada & Rlantzen “Azken argiak” diskoa.
  • “Raggamuffin Kamarada” Suaia eta Ama Rebel taldearen lehenengo lana da. Sei abesti eta lau dub ditu. Suaia eta Ama Rebel taldeak reggaeren sustraietara jo du Gorka Suaiak konposatutako kantak grabaketa batean islatzeko. Horretarako A-Lone Ark Muzik Studioko Roberto Sanchez ekoizlearen ezinbesteko parte hartzea izan du. Reggae klasikoen antzera, ederto uztartu dira Suaiaren kanten mezu zuzenak eta politikoki konprometituak, A-Lone Arken ekoizpenetan ohiko den roots estilo dotore eta melodikoarekin.
  • Zeberioko taldeak Negu Gorriak edo The Clash taldeen funk eta rockaz gain, Rocio Jurado edo Julio Iglesiasen estilo horterak aldarrikatzen dituzte bere azken lan honetan, Ezpata Dantza split-diskoaren parte dena. Aipatzekoak dira metrika karratuetatik aldentzen diren konpasak, eta azpimarratzekoak sanple eta erritmo kutxekin sortutako bateria lerroak. Dantzarako erronka berria proposatzen dute Zeberiokoek. Kulturaren merkantilizazioaren aurka egiten du taldeak GPK-ko partaideen laguntzarekin. Horrez gain, transzendentalagoak diren hitzak eta musika talde baten eguneroko gora-beherak agerian uzten dituen gaiak dakartza.
  • Out of stock
    Euskeraren betiereko taupada, arbasoen oiartzuna ta abangoardiaren soinuak bat egitea da, proiektu honen helburu nagusia, ta seguru gaude, inork hotz utziko duen lan baten aurrean gaudela. Hamaika proposamen, hamaika kontzeptu, honen artean estilo, tematika ta flow anitz aurkituko ditugu, euskera ta abanguardiazko erritmoen eskutik (trap&roll), mende honen bizitza nola ulertzen duten zabalduz, ta bere burua kreatiboki aktibautak kokatuz gizarte nahasi honetan.
  • Gelditu Da Denbora Kasernak 2021ean aurkezten duen bere lehen erreferentzia da. Azken urteetan kanta berriak sortzen ibili ondoren, 2020 urte amaieran diska grabatu eta orain bizkaitar hauen proiektu eta lan berria aurkezteko unea heldu da. Ohiko rock formazioarekin batera (bateria, gitarra ta baxua), saxoaren melodiak, DJ skratxak, sintetizadoreak eta ahots rapeatu zein melodikoak nahasten dira Gelditu Da Denbora lanean. Rock eta hip hopa oinarri hartuta, estilo desberdinak agertzen dira kantuetan, reggae, funk edo elektronikaren pintzelada batzuk, esaterako. Testuetan gai desberdinak jorratzen dira taldekideen kezka eta sentipenak adieraziz; batzutan gai politiko eta sozialen gaineko salaketa eta aldarrikapenak eginez, eta bestetan, bizipoza ematen dieten esperientziak goraipatuz. Nagusiki euskaraz eta gazteleraz abestu arren, testuetan alemana eta inglesezko lerroak ere topatuko dituzue, kolore eta ñabardura asko dituen lan baten aurrean gauden seinale.

Go to Top