Covid-19 pandemia garaian estudioan sartu eta “Anubis” lana grabatu zuen Donostiako bikoteak, urtebete geroago, argia ikusiko du hauen lan berria: “Anubis”, “gure artean jada ez daudenentzako omenaldi xumea” den diskoa sortzaileen esanetan.
Klikatu irudian lanaren fitxara joateko eta deskargatzeko!
Norzzone jauna & Fani, abeslariak (Donostialdea) eta Nasty Bilbaoko Hawa ta Maisha produktoreak (Barakaldo), Nizuri Tazuneri proiektu berria aurkeztu ziguten, maitekiro sortu zen idei bat egia bihurtuz.
“Nizuri Tazuneri” basakeri gramatikala (nik zuri eta zuk neri), hitz joko estrategiko bat da. Euskerak rapan barrun beti jasaten zuen esaldi berdina: “el rap en euskera suena a chino” ta honi Norzzone ta Fani erantzuten zuten: “a chino no, el nuestro suena a japo (japoniera)”, eta horrela hasi zuten euskera ta japonierazko arteko hitz jolasak. “Japanesence” (2014 Nastybilbao) bere lehenengo maketaren abestietako izen guztiak Japonierazko kutsua daukate. “Musika ala hil” (Taupaka elkartea, 2017), Fani eta Norrzone raperoen mezu ozenak entzun daitezke, hamaika kantuz osatutako LP bizia eta indartsua. Japoniar eta euskal esamoldekin hitz-jokuak egiten dituzte beraien abestien izenburuetan. Euskeraren betiereko taupada, arbasoen oiartzuna ta abangoardiaren soinuak bat egitea da, proiektu honen helburu nagusia. 2018. urte bukaeran, “Zazpi” lana kaleratu zuen sortzaile taldeak, “zahar eta berri” kontzeptuen artean zubi bat eraikiz, trantsizio hori gainditzeko asmoz, zazpi bekatu kapitalak eta bere zazpi kontrakoak biltzen dituelarik.
Gaurkoan taldeak, “Anubis” aurkezten du, 2020 urtean Ganbara estudioan grabatutako disko hau gure artean jada ez daudenentzako omenaldi xume batetik ateratako proiektua da, hemen jarraitzen dugunontzat.