Beste proiektuetan burubelarri aritu ostean, Gorka Suaia (Askapen Sound Sistema, Esne Beltza, Kodigo Norte, Suaia eta Ama Rebel) eta Endika Lahaine (121krew, Bunpada Sound) beraien ideiak, gurak, beldurrak, eta indarrak batu diztuzte amankomunean eraiki duten proiektu honetan. Baituta bizi den herrian, langileen duintasuna mespretxatzen den egunotan, neoliberalismoak nahi duen erara jokatzen duen gizartean, kulturak orokorrean, eta abeslariek eta idazleek are gehiago, eraldaketarekiko konpromisoa agertu behar dute.

Herrima, Suia eta Lahaine bikotearen talde musikal berria dugu. Hip-Hop-aren formatu klasikotik haratago doan proiektua, non zuzenean jotako instrumentuen presentzia eta pisua nabaria den.

2014. urtean, Gorka Suaia (Gasteiz, 1982) eta Endika Lahainek (Barakaldo, 1982), Venezuelan ospatu zen Bolibartar Abestiaren Jaialdian parte hartu ostean, Suaia eta Lahaine taldea osatzea erabakitzen dute, Taupaka elkartearen laguntzarekin Herrima diskoa kaleratuz 2015eko urtarrilean. EP honetan hip-hop-a eta elektronika beraien klase kontzientziak azalarazten duen amorruarekin nahasten da.
Diska hau hainbat zuzenekotan defendatu ostean, indarrak beste proiektuetara bideratzen dituzte, 2019. urtean proiektua berreaktibatzea erabakitzen duten arte. Oraingo honetan partaide berriak gehitu dira bidaia honetara; Xixo (Cherry Boppers taldearen perkusionista), Pagaza (kitarra, trikitixa) eta Markel Andia (dj eta samplerrak Suaia eta Ama Rebel taldean). Formatu berri honi Herrima izena jarri diote; “herriaren errima”.
Lehenengo single-a “Chicago Boys” izena darama, Washingtonetik Latinoamerika osoan planifikatu diren estatu kolpeak salatu, eta aldi berean, herriek beraien etorkizuna erabakitzeko eta pakean bizitzeko eskubidea aldarrikatzen duen kumbia-reggae estiloko abestia.
Single berri honen ekoizpen musikalaz  Askapen Sound arduratu da eta bideoklip batekin plazaratuko dute. Etchecoy-k ekoiztutako ikus-entzunezko pieza honetan bi mundu elkartzen dira, landatarra eta hiritarra, elkartuko gaituen eraldaketarako mezuaren bila.

Bideoa

Diskografia