Nizuri Tazuneri rap bikoteak Neresuku abestiaren bideoklipa argitaratu du

2017/06/07 - 0:35
Captura de pantalla 2017-06-07 a las 0.32.00

Eraberritze eta tradizioen fusioan oinarritutako bideo esperimental bat bezala deskribatu daiteke, bikotearen nortasuna are gehiago azpimarratuz. Nizuri Tazuneri rap bikotea bideoklip berri batekin dator, hain zuzen ere, aurten kaleratutako Musika Ala Hil LPko Neresuku abestiaren bideo esperimentala aurkeztera. Bideoklip hau, Badok abestiaren jarraipena izan daitekeela adierazi dute Fani eta Norrzone taldekideek.

Betiko estiloari eutsiz, gaur egungo erritmoetan eta tradizioan oinarritutako lana da, abestiek daukaten esentzia berekoa, eraberritzea eta betiko ohiturak uztartuz ateratako emaitza.

Euskara abiapuntutzat

Nizuri Tazuneriren helburu nagusienetako bat, beraien musikaren bidez euskararen hedapenean eta, batez ere, honen sustapenean eragitea da. Beraien lanek euskara daukate abiapuntu modura, eta estilo, tematika eta flow ezberdinen bitartez, euskara hauspotzen eta lau haizeetara zabaltzen dihardute sorreratik.




Zabaldu!

Zabaldu edukia sare sozialetan: Facebook | Twitter





Cookie-ak erabiltzen ditugu, baina datu pertsonalak ez ditugu gordetzen [informazio gehiago] ACEPTAR