“Ez Etsi” Mr. Pongo Band ft. Juantxo Arakama

2017/07/20 - 10:44
Captura de pantalla 2017-07-20 a las 10.37.08

Orain arteko “letrarik onenetakoa” bezala aurkeztu du taldeak abesti berria eta iraultzaren inguruan mintzatzen da, iraultzaren borrokan sekula amore ez ematez, inoiz ez etsitzeaz, hain justu. Hori dela eta, “Ez etsi!” abestian oinarrituko den Lyric Video bat egitea erabaki dute, irailean kalean izango den diska osatuko duen aurrerapen kantuaren promozio bideoa izango dena.

Bere diska berria emango du ezagutzera hile bat barru Mr. Pongo Bandek eta kolaborazio berezi bat egin du Glaukomako Juantxo Arakamarekin

Bilboaldea eta Nerbioi ibarraren artean jaio zen Mr Pongo Band 2015.urtean. Ardatz bezala reaggea izan arren, musika estilo ezberdinak uztartzen ditu taldeak, besteak beste, Pop-Rocka edota Funky erritmoekin jolasten dute. Ahots melodia eta DJ scratchen bidez, Hip-Hop doinuez koloreztatzen dituzte abestiak.

Abestien letrei dagokionean, estatua, kapitala edota bizimodu pasiboa ditu inspirazio iturri Mr. Pongo Bandek, esaldi bakoitzaren mezua zorroztuz musikagintzak dakarren aldarri eta protesta egiteko aukerari estu heltzen dio. Eleanitzak dira testuak, euskara, gaztelera, ingelera eta alemaniera uztartzen baititu poesiaren bitartez, beti ere ekintza zuzena garatzeko asmoz.

Irailera begira jarri da zazpi mutilek osatutako taldea -Bittor bateria, Agirre baxua, Arana gitarra, KimoSoundz DJ, Iker tronboia, Iñigo tronpeta eta Markel teklatu eta ahots Nagusia-, hilabete horretan disko bat kaleratzekotan baitaude eta horren aurrerapen abesti gisa aurkeztuko dute Glaukomako Juantxo Arakamarekin batera egindako “Ez Etsi!” kantua.




Zabaldu!

Zabaldu edukia sare sozialetan: Facebook | Twitter





Cookie-ak erabiltzen ditugu, baina datu pertsonalak ez ditugu gordetzen [informazio gehiago] ACEPTAR